joomla
free templates joomla

Чорабиниҳо

Ҳамгироии илм ва истеҳсолот – дурнамои рушд

Тадқиқоти илмӣ бахши намоишномаҳо

       Дар асоси нақшаи кори Академияи миллии илмҳои Тоҷикистон, санаи 19-уми майи соли 2022 бо ташаббуси Шуъбаи татбиқи илм дар истеҳсолоти Раёсати Академияи миллии илмҳои Тоҷикистон ва дастгирии Маркази байналмилалии илмию техникӣ Форуми байналмилалии “Ҳамгироии илм ва истеҳсолот – дурнамои рушд” дар меҳмонхонаи “Hilton”-и шаҳри Душанбе баргузор карда шуд.

Дар зер номгӯи лоиҳаҳое, ки барои татбиқ дар истеҳсолот баҳри иштирокчиёни Форум, аз ҷумла намояндагони мақомотҳои соҳавии давлатӣ, корхонаҳои саноатӣ ва сармоягузорон муаррифӣ гардиданд, оварда шудаанд:

1. Институти химияи ба номи В.И. Никитин:

- Маводи дезинфексионии «СитроЛактоСтерил»;

- Маводи инноватсионӣ дар асоси конҳои ангишти Тоҷикистон

- Истеҳсоли иловаҳои фаъоли биологӣ аз хомашёи гиёҳҳои маҳаллӣ;

- Ғанигардонии маъданҳои фосфордори Риват бо кислотаи хлорид;

- Истеҳсоли иловаҳои биологии табиӣ тавассути усули экстраксияи суперкритикалӣ.

2. Институти физикаю техникаи ба номи С.У. Умаров:

- Дастгоҳ барои муайян намудани самаранокии истифодаи энергия дар равандҳои энерготехнологӣ;

- Комплекси энергетикӣ барои бо энергия таъмин намудани равандҳои технологӣ;

- Коркарди масолеҳи наносохторӣ (SiC,TiO2, BaTiO3) ва монокристаллҳо дар асоси пайвасти оксидҳои дутогии молибдатҳо ва оксидҳои элементҳои нодирзаминӣ бо висмут барои эҳтиёҷоти техника.

3. Институти геология, сохтмони ба заминҷунбӣ тобовар ва сейсмология:

- Пешниҳоди сармоягузорӣ оид ба иҷрои корҳои иктишофӣ-ҷустӯҷӯӣ дар сохтори Айваҷ (минтақаи Кофарниҳон).

4. Институти масъалаҳои об, гидроэнергетика ва экология:

- Усули сохтани дренаж дар хокҳои сероб;

- Усули кишти зироатҳои кишоварзӣ (гидрогел);

- Системаи алоҳидаи таъмини оби гарм.

5. Агентии амнияти химиявӣ, биологӣ, радиатсионӣ ва ядроӣ:

- Ташкили истеҳсоли оксиди уран аз обҳои конӣ ва техникӣ.

6. Маркази рушди инноватсионии илм ва технологияҳои нав:

- Неругоҳҳои барқии офтобии шинокунанда (FPV): иқтидори техникӣ-иқтисодии обанборҳои Тоҷикистон;

- Таъмини марҳилавии энергия ба истгоҳҳои обкашии мавҷуда дар заминаи истифодаи энергияи офтоб.

7. Маркази таҳқиқоти технологияҳои инноватсионии назди АМИТ:

- Коркарди партовҳо ва истеҳсоли масолеҳи таъиноти гуногун.

8. Институти ботаника, физиология ва генетикаи растанӣ:

- Картошкапарварӣ дар Тоҷикистон: дастовардҳои илмӣ ва мушкилот;

- Усулҳои баланд бардоштани ҳосилнокӣ ва истифодаи устувори чарогоҳҳои Тоҷикистон.

9. Институти зоология ва паразитологияи ба номи Е.Н. Павловский:

- Организмҳои зараррасони инвазивии зироатҳои кишоварзӣ ва чораҳои мубориза бар зидди онҳо;

- Таҷрибаи парвариши морҳои заҳрнок дар шароити серпентарияи ИЗвП АМИТ.

10. Шуъбаи илмҳои тиббӣ ва фарматсевтии АМИТ:

- Истифодаи нитрогени моеъ дар табобати ҷарроҳии бемориҳои ҷигар ва ғадуди зери меъда;

- Истифодаи технологияҳои нав дар осебшиносӣ ва раддодӣ

пешниҳод шудаанд, ки имрӯз барои татбиқ дар истеҳсолот манзури Шумо карда мешаванд.