joomla
free templates joomla

БОЗДИДИ ПРЕЗИДЕНТИ АМИТ АЗ ШАРОИТИ ИНСТИТУТҲО

  Возможно, это изображение 9 человек и текст
  Имрӯз (10.02.2024) Президенти Академияи миллии илмҳои Тоҷикистон профессор Хушвахтзода Қобилҷон Хушвахт бо мақсади боздид ва шиносоӣ аз шароти корӣ дар Институтҳои геология, физика, химия, математика, агентӣ амнияти ядроӣ дидан намуда, ба масъулин барои беҳтар намудани вазъи кории кормандон дастуру супоришҳои мушаххас доданд. Ҳамзамон дар асоси дастуру супоришҳои Асосгузори сулҳу ваҳдати миллӣ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо иқдомҳои созандаи Раиси шаҳри Душанбе муҳтарам Рустами Эмомалӣ дар бораи ба шаҳри сабз табдил додани шаҳри Душанбе дар тамоми муассисаву корхонаҳои давлатӣ корҳои ободонӣ ва созандагӣ бомаром идома меёбанд. Дар ин росто ҳар ҳафта дар тамоми институтҳо, марказҳо ва сохторҳои академия корҳои ободонию созандагӣ бомаром идома меёбанд. Дар ҳамин раванд имрӯз зимни боздид Президенти Академияи миллии илмҳои Тоҷикистон профессор Хушвахтзода Қобилҷон Хушвахт аз шанбегии умумиакадемиявӣ дидан намуда, барои тозаву озода намудани атрофи биноҳҳо, нарм намудани бехи дарахтон, тоза намудани ҷуйбор ва роҳгузарҳо ба масъулин дастуру супоришҳои мушаххас доданд.

ҲАМКОРИҲО БО МУАССИСАҲОИ ИЛМИЮ ТЕХНОЛОГИИ АРАБИСТОНИ САУДӢ ГУСТАРИШ МЕЁБАНД

Эҳтимол ин сурати 4 нафар аст.

   Имрӯз (08.02.2024) Сафири Фавқулодда ва Мухтори Шоҳигарии Арабистони Саудӣ дар Ҷумҳурии Тоҷикистон Валид ибни Абдураҳмон ар-Решайдон ба Академияи миллии илмҳои Тоҷикистон ташриф оварда, бо Президенти академия профессор Хушвахтзода Қобилҷон Хушвахт мулоқот намуд.

Дар мулоқот аз ҷониби АМИТ президенти Академияи миллии илмҳои Тоҷикистон, профессор Хушвахтзода Қобилҷон Хушвахт, сардори шуъбаи робитаҳои байналмилалии АМИТ Мирвайсов Мамурҷон, ходими пешбарии илмии Институти омӯзиши масъалаҳои давлатҳои Осиё ва Аврупои АМИТ Абдуҳалим Одинаев, директори Институти омӯзиши масъалаҳои давлатҳои Осиё ва Аврупо Ниёзӣ Ёрмуҳаммад Бобо, намоянда аз Вазорати корҳои хориҷӣ Икромов Мануҷеҳр ва аз намояндагии дипломатии Арабистони Саудӣ дар Ҷумҳурии Тоҷикистон Сафири Фавқулодда ва Мухтори Шоҳигарии Арабистони Саудӣ дар Ҷумҳурии Тоҷикистон Валид ибни Абдураҳмон ар-Решайдон, Алӣ Солеҳ Аланазӣ – Атташе оид ба фарҳанги сафорати Шоҳигарии Арабистони Саудӣ дар Ҷумҳурии Тоҷикистон иштирок намуданд.
Президенти Академияи миллии илмҳои Тоҷикистон, профессор Хушвахтзода Қобилҷон Хушвахт меҳмонони олиқадрро бо хушнудӣ истиқбол намуда, дар робита ба ҳамкориҳои илмии дуҷониба ва самтҳои афзалиятноки фаъолияти илмии Академияи миллии илмҳои Тоҷикистон маълумоти мушаххас дод. Ҷонибҳо ҳавасмандии худро барои тавсеи ҳамкориҳо дар ин самт иброз намуданд.
   Ҷаноби Валид ибни Абдурраҳмон ар-Рушайдон ба Президенти Академияи миллии илмҳои Тоҷикистон барои истиқболи самимӣ ва маълумоти ҷолиб изҳори сипос ва қаноатмандӣ намуда, мақсади ташрифашро сараввал табрик намудани Хушвахтзода Қ.Х. вобаста ба интихоб шудан ба вазифаи президенти АМИТ изҳор дошт ва илова гардид, ки қаблан бо профессор Хушвахтзода дар давраи роҳбарии ДМТ муносибати хуб ва ҳамкориҳои зич дошта, минбаъд низ ҳамкориҳо дар ин самт ба сатҳи сифатан нав табдил хоҳанд ёфт.
   Сипас ҷаноби Сафир роҳандозӣ намудани ҳамкориҳои судманди дуҷонибаро бо Шаҳраки Малик ибн Абдулазиз оид ба илм ва технология (Парки илмӣ-технологӣ), Донишгоҳи Шоҳ Абдуллоҳ ва Маҷмааи омӯзиши забони арабии Шоҳ Салмон бо Академияи миллии илмҳои Тоҷикистон таклиф намуд.
Президенти Академияи миллии илмҳои Тоҷикистон, профессор Хушвахтзода Қ.Х таклифҳои Ҷаноби Сафирро бо хушнудӣ пазируфта, барои ҳамкориҳои мутақобиланд манфитабахш изҳори омодагӣ намуд.
Қайд гардид, ки сатҳи ҳамкориҳои илмии дуҷониба бо назардошти имкониятҳои васеи ҳамкорӣ қаноатбахш нест. Аз ин рӯ, зарурияти тавсеа ва тақвияти ҳамкориҳоро талаб менамояд. Пешниҳод карда шуд, ки лоиҳаи созишномаҳои ҳамкорӣ бо муассисаҳои зикргардидаи Шоҳигарии Арабистони Саудӣ таҳия карда шуда, тибқи муқаррарот, пас аз мувофиқа бо Ҳукумати Ҷумҳурии Тоҷикистон ва гузаронидани расмиёти мувофиқасозии дохилидавлатӣ амалӣ карда хоҳанд шуд.
Хушвахтзода Қ.Х. пешниҳод намуданд, ки ҳамкориҳои олимони тоҷик бо ҳамтоёни арабӣ дар самти илмҳои табиӣ, риёзӣ ва дақиқ низ инкишоф дода шаванд. Пешниҳод бо ризоияти том қабул карда шуд.

 

 

 

ТАҶДИДИ НАЗАР БА ФАЪОЛИЯТИ ИНСТИТУТИ ОМӮЗИШИ МАСЪАЛАҲОИ ДАВЛАТҲОИ ОСИЁ ВА АВРУПО

  Эҳтимол ин сурати 1 нафар аст.
Имрӯз (06.02.2024) дар маҷлисгоҳи академия вохӯрии нахустини Президенти Академияи миллии илмҳои Тоҷикистон профессор Хушвахтзода Қобилҷон Хушвахт бо олимону кормандони Институти омӯзиши масъалаҳои давлатҳои Осиё ва Аврупо доир гардид. Зимни вохӯрӣ Президенти Академияи миллии илмҳои Тоҷикистон профессор Хушвахтзода Қ.Х. доир ба фаъолияти Институти омӯзиши масъалаҳои давлатҳои Осиё ва Аврупо фикру ақидаҳои худро иброз намуда, барои дар оянда сифатнок намудани низоми корӣ дастуру супоришҳои махсус доданд.
   Ҳамзамон зимни суханронӣ масъалаҳои зерин аз ҷониби роҳбарияти академия мавриди баррасӣ қарор дода шуд: Ба низом даровардани интизоми меҳнат дар миёни кормандони институт, ҷоннок намудани фаъолияти корӣ дар институтҳо, самаранок истифода намудани лоиҳаҳо, пешгирии зуҳуроти номатлуб, таъмиру азнавсозии биноҳо ва институтҳои зертобеи академия, ҷоннок намудани фаъолияти Шурои олимон дар институт, ба роҳ мондани нақшаҳои корӣ, омода намудани низомномаҳо, ҷонок намудани фаъоляти озмоишгоҳҳо ва муаррифии дастовардҳо, ҷалби кормандони институт ба олипиадҳои байналмилалӣ ва ҷумҳуриявӣ, ҷалби ҷавонони болаёқат ва забондон ба институт, ташкили шуъбаи занон дар академия ва ҷоннок намудани фаъолият дар ин самт, фаъол намудани сомонаҳои иттилоотӣ ва муаррифии дастовардҳои академия дар шабакҳои иҷтимоӣ, навиштани мақолаҳои илми тақризшаванда, баргузор намудани маҳфилҳои инфиродӣ, семинарҳои илмӣ, мизҳои мудаввар аз ҷониби олимони соҳибмактаби академия, омода намудани мақолаҳо доир ба мавзуҳои терроризм, ҳифзи арзишҳои миллӣ, ватандӯстӣ, идеалогӣ, ҳифз ва эҳтиром ба Пешвои муаззами миллат, дуруст ба роҳ мондани иҷрои дастуру супоришҳои Пешвои муаззами миллат, муҳтарам Эмомалӣ Раҳмон ва бартараф намудани мушкилотҳои ҷойдошта, ба роҳ мондани курси омӯзишии “Зан сарвар” дар байни бонувони академия аз ҷумлаи масъалаҳои баррасишавандаи вохӯрии мазкур маҳсуб меёбанд.
Дар интиҳо роҳбарияти институт ва устодону кормандон суханронӣ намуда, барои дар оянда ҷоннок намудани фаъолияти институт ва бартараф намудани камбудиву эродҳои мавҷуда фикру ақидаҳояшонро баён намуданд.

НИШАСТИ МАТБУОТӢ ДАР АМИТ

Возможно, это изображение 1 человек и текст
    Имрӯз (08.02.2024) дар толори Академияи миллии илмҳои Тоҷикистон бо иштироки роҳбарону намояндагони сохторҳои гуногуни академия ва наздик ба 30 нафар рӯзноманигорони телевизиону радио ва нашрияҳои ҷумҳурию шабакаҳои иҷтимоӣ нишасти матбуотӣ баргузор гардид.
Дар оғоз Президенти Академияи миллии илмҳои Тоҷикистон профессор Хушвахтзода Қ.Х. ҳузури намояндагони васоити ахбори оммаро ба Академия хайрамақдам гуфта, бо сухани муқадимавии хеш ба кори нишаст оғоз бахшид.
   Зимни нишаст дар ҳузури намояндагони васоити ахбори омма Президенти Академияи миллии илмҳои Тоҷикистон профессор Хушвахтзода Қ.Х. мухтасар дар бораи корҳои анҷомёфтаи Академия дар соли 2023 ҳисоботи муфассал пешниҳод намуд. Гуфта шуд, ки натиҷаҳои илмии бадастомада дар давраи ҳисоботӣ аз ҷониби кормандони муассисаҳои илмии АМИТ беш аз 3960 кори илмӣ, аз ҷумла беш аз 60 монография, 75 китобу дастур, 10 маҷмуаи мақолаҳо, 10 маводу тавсияномаҳо, 5 фарҳанги истилоҳотӣ ва беш аз 3800 мақолаи илмӣ ва илмию оммавӣ, аз онҳо 3370 мақола дар маҷаллаҳои илмии ҷумҳурӣ, қариб 400 мақолаи илмӣ дар маҷаллаҳои кишварҳои ИДМ ва маҷаллаҳои давлатҳои хориҷи дур ба нашр расиданд.
   Дар соли 2023 аз тарафи олимони АМИТ 30 патенти Ҷумҳурии Тоҷикистон ва 5 қарори мусбат оид ба додани патенти хурди Ҷумҳурии Тоҷикистон барои ихтироот ба даст оварда шуд. Барои истифодаи амалӣ дар истеҳсолот беш аз 30 натиҷаи илмӣ ва 5 пешниҳоди олимони Академияи миллии илмҳои Тоҷикистон манзур карда шудааст. Ҳамчунин муассисаҳои илмию таҳқиқотии АМИТ аз рӯйи шартнома беш аз 15 дархости вазорату идораҳои гуногунро вобаста ба самти кори муассисаҳо иҷро карданд.
Ҳамзамон вобаста ба масъалаҳои муҳимми илмӣ дар АМИТ беш аз 116 чорабинии илмӣ, аз ҷумла 1 форуми байналмилалӣ, 2 симпозиуми байналмилалии илмӣ, 11 конференсияи илмии байналмилалӣ, 40 конференсияи илмии ҷумҳуриявӣ, 2 сессияи илмӣ, 51 семинари ҷумҳуриявӣ ва минтақавӣ, 6 мизи мудаввар ва 3 курси омӯзишӣ омода ва баргузор карда шуданд.
  Дар ин давра беш аз 600 нафар кормандони муассисаҳои илмию таҳқиқотии Академияи миллии илмҳои Тоҷикистон дар беш аз 900 чорабинӣ: форум, конференсия, семинар ва мизи мудаввари илмии сатҳи ҷумҳуриявӣ ва байналмилалӣ иштирок ва суханронӣ намуданд.
Дар охир аз ҷониби 15 нафар намояндагони васоити ахбори омма 30 савол пешниҳод гардид, ки ба ҳар кадоми он Президенти академия, ноибони президент, директорони институтҳо посухҳои мушаххас доданд.
Возможно, это изображение 3 человека

НАТИҶАГИРӢ АЗ ФАЪОЛИЯТИ ИНСТИТУТИ ТАЪРИХ

 
  Имрӯз (06.02.2024) дар маҷлисгоҳи академия вохӯрии нахустини Президенти Академияи миллии илмҳои Тоҷикистон профессор Хушвахтзода Қобилҷон Хушвахт бо олимону кормандони Институти таърих, бостоншиносӣ ва мардумшиносии ба номи Дониш баргузор гардид. Нахуст Президенти Академия профессор Хушвахтзода Қ.Х. аз ҳисоботи пешниҳоднамудаи роҳбарияти институт натиҷагирӣ намуда, баҳри дар амал тадбиқ намудани ҳадафҳои Оиннома ва Низомномаи институт ба масъулин дастурҳои мушаххас дода таъкид намуданд, ки камбудиҳои ҷой дошта дар кӯтоҳтарин муҳлат бартараф карда шаванд.
Зимни вохӯри бисёр аз камбудиву мушкилотҳои мавҷуда, ки ба асоси фаъолият ва пешрафти институти мазкур нигаронида шудаанд мавриди баррасӣ қарор гирифтанд.    Ҳамзамон аз ҷониби роҳбарияти академия зикр гардид, мо бояд имкониятҳоеро истифода намоем, ки дар самти фаъолияти институт дар оянда низоми нави корӣ роҳандозӣ гардад. Дар рафти вохӯрӣ ба масъалаи таҷдиди назар ба воҳидҳои кории пойгоҳҳои таҷрибаомӯзӣ диққати махсус равона гардид. Сипас вобаста ба пешбурди фаъолияти институт дар оянда, масъалаҳои зерин ба саъми ҳозирин расонида шуд: Риояи интизоми меҳнат, пешниҳоди ҳисоботҳои мукаммал аз натиҷаи корҳои баанҷомрасида, омода намудани мутахассисони ҷавон (номзад), ба танзим даровардани тақсимоти сарбориҳо, мақсаднок истифодаи лоиҳаҳо, нав кардани таҷҳизотҳои корӣ компютер, мизу курсӣ, ҷевон, омода намудани шароит дар утоқҳои корӣ, навиштани мақолаҳои тақризшаванда ва расонаӣ намудани онҳо дар шабакаҳои иҷтимоӣ, ҷоннок намудани кор дар самти магистратура ва докторантура, фаъол намудани шуроҳои дисертатсионӣ дар институт, баргузории конференсияҳо, мизи мудаввар, семинарҳои илмӣ тариқи онлайн, иштироки фаъолона дар озмунҳои ҷумҳуриявӣ ва озмуну олимпиадаҳои байналмилалӣ, навиштани мақолаҳои илмӣ ва тарбиявӣ дар мавзуҳои мубрами рӯз, омода намудани мутахассисони ҷавон барои бозори меҳнат аз ҳисоби магистрантон ва докторантон, баргузории соатҳои сиёсӣ ва маҳфилҳои инфиродӣ барои омӯхтани донишу маҳорати олимон, расонаӣ намудани муваффақиятҳои институт, муаррифи дастовардҳо ва мавзеҳои таърихӣ, омода ва нашр намудани таърихи халқи тоҷик бо забонҳои гуногун аз ҷумлаи масъалаҳои баррасишуда мебошанд.
Дар интиҳо роҳбарияти институт ва устодону кормандон суханронӣ намуда, барои дар оянда ҷоннок намудани фаъолияти институт ва бартараф намудани камбудиву эродҳои мавҷуда фикру ақидаҳои худро баён намуданд.
Эҳтимол ин сурати 5 нафар ва саҳни тахтагин аст.