joomla
free templates joomla

СИМПОЗИУМИ БАЙНАЛМИЛАЛИИ ИЛМӢ

     Ҷиҳати баргузории Симпозиуми байналмилалии илмии "Пажуҳиши таърих: аз дирӯз то имрӯз" иттилооти муфассал пешниҳод доштем, аммо бархе аз дӯстони маҷозӣ дархост намуданд ин руйдодро шарҳи иловагӣ бинмоем!

Аз ин хотир,

Симпозиум дар таърихи 22.10.2019 дар Китобхонаи миллии Тоҷикистон оғоз гардида, дар таърихи 23.10.2019 идома меёбад. Дар ҳамоиши байналмилалӣ олимон аз кишварҳои мухталиф иштирок мекунанд. Қабули онҳо рӯзи 21.10.2019 ва гуселашон рӯзи 24.10.2019 барпо хоҳад шуд.

Ҳамоиш субҳи 22.10.2019 бо суханронии табрикии Президенти Ҷумҳурии Тоҷикистон, муҳтарам Эмомалӣ Раҳмон шурӯъ гардида, чаҳор бахшро дар бар мегирад:

1.Давлати Сомониён - падидаи беназири таърихӣ дар тамаддуни ҷаҳонӣ;

2.Анъана ва меросбарии фарҳангӣ;

3. Ҷашну оинҳои бостонӣ: авомили муҳими зиндагисоз ва баҳамоии инсонҳо;

4. Куруши Кабир - чеҳраи мондагори таърих...

2.72.jpg - 176.50 KB

Китобҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ("Нигоҳе ба таърих ва тамаддуни ориёӣ", "Куруши Кабир - Зулқарнайн") дар ҳамоиш рӯнамоӣ мешаванд.

Ҷоизаи ба номи Манучеҳри Фарҳангӣ тақдим мешавад. Шоми ин рӯз иштирокдорони ҳамоиш спектакли "Фирдавсӣ" - ро аз рӯи асари Сотим Улуғзода дар Театри Академии драмавии ба номи Абулқосим Лоҳутӣ тамошо мекунанд.

Дар таърихи 23.10.2019 сафар ба шаҳри Роғун ва боздид аз НБО -и "Роғун" татбиқ мешавад. Ҳамчунин шоми ҳамин рӯз меҳмонон аз осорхонаи миллии Тоҷикистон боздид ба амал меоранд. Идомаи сайри онҳо боғи фарҳангӣ - фароғатии "Куруши Кабир" мебошад.

2.71.jpg - 146.95 KB

Дар Симпозиуми байналмилалии илмӣ ҷомеашиносони нерӯманди дохиливу хориҷӣ чун

Эраҷ Баширӣ,

Фотима Маҳвон,

Комил Бекзода,

Масъуди Миршоҳӣ,

Фарзод Қоимӣ,

Мансура Ҳайдар,

Ҳайдаршои Пирумшоҳ,

Акбар Турсон,

Куруши Некном,

Алӣ Зиёвуддини Даштакӣ

ва дигарон дар баррасӣ ва пажуҳиши мавзӯъ мушорикат карда, бештаре аз таҳқиқҳои навтаринро ҷиҳати шахсият ва корномаи Куруши Кабир, таъсиргузории шахсиятҳои таърихӣ дар баҳамоварии милалу дувал ва эҳёи анъанаву ҷашнҳои фарҳангии башар бар самъи ҳозирин мерасонанд.

Ширкат дар Симпозиуми байналмилалии илмӣ миёни муассисаҳои давлатӣ қаблан мувофиқа шудааст....................

.Кутуби таҳқиқии нашршуда дар иртибот ба баргузории Симпозиуми байналмилалии илмӣ таҳти унвони "Пажуҳиш дар фарҳанги бостон: аз дирӯз то имрӯз",

 

 

 

 

 

 

Эълон

     Кафедраи фалсафаи Академияи илмҳои Ҷумҳурии Тоҷикистон силсилаи семинарҳои илмӣ-метадологиро оғоз мекунад.

Пагоҳ (16.10.2019) соати 15.00  дар толори АИ ҶТ, семинари илмӣ-метадологӣ дар мавзӯи “МАВЗӮЪҲОИ МЕТОДОЛОГИИ ТАҲҚИҚОТИ ИЛМӢ ДАР СОҲАҲОИ ИЛМҲОИ ТАБИӢ ВА ДАҚИҚ (дар мисоли илмҳои физика ва математика) баргузор мегардад, ки дар он доктори илмҳои физикаву математика, профессор, академики АИ ҶТ, Раиси бахши илмҳои дақиқ, ноиби Президенти  АИ ҶТ, Ҳикмат МУМИНОВ маърӯза менамояд.

Хоҳишмандон метавонанд озодона дар семинар иштирок намуда, саволҳои худро вобаста ба мавзӯи баҳс  пешниҳод намоянд.

 

 

 

"Фарҳанги забони тоҷикӣ"

2.66.jpg - 103.20 KB

Аз нашри китобе мавсум ба лавҳаи боло 50 сол сипарӣ шуд.

2.67.jpg - 91.76 KB

Дар иртибот бо ин руйдоди таърихӣ дар Институти забон ва адабиёти ба номи Рӯдакии Академияи илмҳои Ҷумҳурии Тоҷикистон ҳамоиши илмӣ барпо гардид.
Дар ҳамоиш адабшиносон аз муассисаҳои гуногуни кишвар иштирок намуда, дар музокираи маърӯзаҳои олимони филолог ширкат карданд.

 2.68.jpg - 2.96 MB

Наҳзати босмачигарӣ тамоили тоҷикӣ надошт

     Имрӯз дар таърихи 05.10.2019 дар маҷлисгоҳи Маркази мероси хаттии раёсати Академияи илмҳои Ҷумҳурии Тоҷикистон ҳамоиши илмӣ-амалӣ ба ифтихори 90-солагии таъсиси Ҷумҳурии Шӯравии Сусиёлистии Тоҷикистон барпо шуд. Ҳамоишро ноиби президенти Академияи илмҳои Ҷумҳурии Тоҷикистон Муҳаммад Абдураҳмон Наврӯз ифтитоҳ намуда, зимни баррасии мавзӯъ изҳор дошт, ки пеш аз таъсис ва пас аз он ҷабҳаи аксулинқилобӣ дар ҳудуди имрӯзаи давлати тоҷикон мавсум ба наҳзати босмачигарӣ тамоилӣ тоҷикӣ надошт ва аз зумраи таҳмилоти нерӯҳои понтуркистӣ маҳсуб мешуд.

2.69.JPG - 69.30 KB
     Директори Институти таърих, бостоншиносӣ ва мардумшиносии ба номи Аҳмади Дониши АИ ҶТ Убайдуллоҳи Насруллоҳ мутазаккир гардид, ки таъсисёбии Ҷумҳурии Шӯравии Сусиёлистии Тоҷикистон аз руйдодҳои тақдирсоз ва басе ҳалкунанда дар сарнавишти тоҷикон маҳсуб мешавад.
Дар баррасии мавзӯъ олимони таърихшинос ва сиёсатшинос иштирок намуданд.

2.70.jpg - 88.42 KB

 

 

 

РӮЗИ МАВЛОНО БАЛХӢ ДАР АКАДЕМИЯИ ИЛМҲО

     «Ҷаҳон имрӯз муҳтоҷ ба як Румӣ аст, ки умедро дар мардумон барангезад ва оташи шавқ барои зиндагиро тезтар кунад».

Муҳаммад Иқбол, Эҳёи фикри динӣ дар ислом, саҳ. 162.

    Имрӯз, 30.09.2019 дар маҷлисгоҳи Академияи илмҳои Ҷумҳурии Тоҷикистон бахшида ба таҷлили Рӯзи Мавлоно Ҷалолуддин Муҳаммади Балхӣ бо иштироки уламои фалсафа, илми адаб ва аҳли санъат ҷаласаи тантанавӣ доир гардид.

2.63.jpg - 109.68 KB
    Ҷаласаи тантанавиро президенти Академияи илмҳои ҶТ, академик Фарҳод Раҳимӣ ифтитоҳ намуда, зимни маърӯзаи кӯтоҳе иқрор кард, ки мутафаккир аз шоир пиндоштани хеш иҷтиноб кардааст ва тамоми ҷаҳони муосир ӯро ба ҳайси донишманди бузург истиқбол кардаанд. Чопи теъдоди гушношуниди осори ӯ дар Амрико гувоҳи ин гуфтаҳост.
Сипас, доктори илмҳои филологӣ, профессор Абдунабӣ Сатторзода аз назари илми адаб Мавлоноро пажуҳиш намуда, ғазалҳои ӯро дар гузашта ва имрӯз беҳамто номид.
Шоири халқии Тоҷикистон, доктори илмҳои филологӣ Аскар Ҳаким ҳини суханронии пурмуҳтаво аз иртиботи маънавии Мавлонои Рум бо Шамсулҳақи Табрезӣ қиссаҳо нақл кард.
Бояд иқрор кард, ки дар аҳди Шӯравӣ бинобар мулло пиндоштани Мавлоно осори бағоят ҳикматомези ӯ тадрис намешуд ва аксарият ба истиснои бархе аз зиёиёни бохабар бо Мавлавӣ ошно набуданд. Дар замони истиқлолият осори баргузидаи мутафаккир аз Маснавии маънавӣ то Девони кабир дастрасии омм гардид ва айни замон нест тоҷике, ки аз ҳикмати Мавлоно бехабар бошад.

     Дар ҷаласаи тантанавӣ аз осори орифонаи Мавлоно ровиён қироати шеър намуда, ҳунармандон чун само ашъори ӯро замзама намуданд.

Дар замони муосир муҳаққиқини осори Мавлавӣ хеле зиёданд: Бадеъуззамони Фурӯзонфар, Забеҳулло Сафо, Абдулҳусайни Зарринкӯб, Алии Даштӣ, Иқболи Лоҳурӣ, Алиакбари Деҳхудо, Маликушшуаро Баҳор, Саид Нафисӣ ва ғайра.

2.64.jpg - 114.13 KB

Мавлавӣ васиятномае ба ёдгор гузоштааст ва агар бо он ошно шавем, пас маълум мекунем, ки мутафаккир дар баҳогузориҳояш ҳамто надоштааст. Ва инак он васиятнома:
"Шуморо сифориш мекунам ба кам гуфтану кам хӯрдану кам хуфтан... ва ҳамоно беҳтарини шумо касест, ки барои мардуми худ муфид бошад".
Рӯзи Мавлоноро ба кулли дӯстдорони осори гаронбаҳояш табрик мегӯем.............................

 2.65.jpg - 118.51 KB