joomla
free templates joomla

ҲИСОБОТИ СОЛОНАИ АКАДЕМИЯИ ХУРДИ ИЛМҲОИ ҶУМҲУРИИ ТОҶИКИСТОН ДАР СОЛИ 2022

 

 

 

 

      Мувофиқи нақша-чорабиниҳои Раёсати Академияи миллии илмҳои Тоҷикистон, Академияи хурди илмҳои Љумҳурии Тољикистон (Шуъбаи кор бо мактаббачагон-и Раёсати АМИТ), дар соли 2022 фаъолияти илмӣ-ташкилии хешро бо дарназардошти нақшаи корӣ ва татбиқи сессияҳои зимистонаву тобистона ва роҳандозӣ шудани “Рӯзи дарҳои кушода”-и Академияи миллии илмҳои Тоҷикистон муаррифӣ намудааст.
Возможно, это изображение 17 человек, люди стоят и в помещении
    Дар санаи 7 январи соли 2022 дар маҷлисгоҳи АМИТ Сессияи зимистонаи Академияи хурди илмҳои Ҷумҳурии Тоҷикистон баргузор шуд, ки ин чорабиниро президенти АХИ ҶТ, академик Ҳикмат Ҳисориев ифтитоҳ намуда, хонандагонро зимни воридшавӣ ба раванди зимистонаи Академияи мазкур хайра мақдам гуфт. Дар Сессияи мазкур ноиби президенти АМИТ Саидов А.С. ва хонандагони синфҳои болоии муассисаҳои таҳсилоти умумӣ ва литсейю гимназияҳои ҷумҳурӣ баромад намуданд. Масалан, Ярахмадов Алиҷон, хонандаи синфи 6, МТМУ №36 ноҳияи Шоҳмансур, дар мавзуи "Барномаи Microsoft Excel ва хосиятҳои он”, ё худ хонандаи дигар бо номи Амонова Марҷона, ки таҳсилкунандаи синфи 9, МТМУ №47, шаҳри Ҳисор дар мавзуи "Нӯшокиҳои спиртӣ" маъруза намуданд ва ғайра. Азбаски шиори АХИ ҶТ "Эҷод кун, ҷуръат намо, ҳақиқатро муҳофиз бош!", аст, талаботи Академияи хурди илмҳо низ омода намудани мутахассисони бомаърифат аз ҳисоби хонандагони фаъоли мактабҳо, литсейҳо ва гимназияҳо маҳсуб мешавад.
      Дар таърихи 29-уми майи соли 2022 сессияи 43– юми баҳории Академияи хурди илмҳои Љумҳурии Тољикистонро дар мактаби Байналмиллии Президентии шаҳри Душанбе ( ноҳияи Сино, маҳаллаи Меҳробод, кӯчаи Карамов -101) баргузор намуд. Дар Сессия мактаббачагон аз навоҳии гуногун ширкат намуда, сатҳи донишҳои тахассусии хешро тавассути ширкат дар раванди баҳогузории солона мушаххас намудаанд. Бояд мутазаккир шуд, ки ширкати мактаббачагон аз муассисаҳои таҳсилоти умумӣ барояшон имконият фароҳам меорад, ки сатҳи донишҳои ихтисосиро такмил дода, истеъдоди донишандӯзии хешро ошкор созанд.
      Қабл аз оғози раванди баҳогузорӣ ва маълум намудани сатҳи донишҳои тахассусии мактаббачагон Ҷаласаи кушодашавии Сессияи мазкур барпо шуд ва маҷлисро президенти Академияи миллии илмҳои Тоҷикистон, академик Фарҳод Раҳимӣ ҳусни оғоз бахшида, зимни суханронии хеш рушди ҷомеаи Тоҷикистонро бо сарварии Пешвои муаззами миллат, Президенти Ҷумҳурии Тоҷикистон мӯҳтарам Эмомалӣ Раҳмон аз ибтикору мавқегирии насли наврас иборат донист. Ба қавли мавсуф, ҳар як наврас дар ҷомеаи Тоҷикистон имкони омӯхтану озод андешидан дорад ва аз чунин имкониятҳои фароҳамгардида бояд мову шумо истифода кунем.
      Сипас, бо сухани табрикӣ намояндаи бахши ёрдамчии Президенти Ҷумҳурии Тоҷикистон оид ба масъалаҳои иҷтимоӣ ва робита бо ҷомеаи Дастгоҳи иҷроияи Президенти Ҷумҳурии Тоҷикистон Масрур Абдуллозода ба минбар баромада, нақши АХИ ҶТ-ро дар рушди донишҳои техникии наврасон ва болоравии сатҳи ҷаҳонбинии илмии онҳо арзёбӣ намуд.
       Раиси Федератсияи иттифоқҳои мустақили касабаи мамлакат Неъматзода Маликшо аз фаъолият ва вазифаҳои бар душдоштаи ҳар як шаҳрванд лаҳзаҳои хотирмон нақл намуда, мактаббачагонро ба таҳсили фарогир даъват кард ва бар ҳар як онҳо муваффақиятҳои камназир таманно намуд.
      Баъдан, муовини Вазири маориф ва илми Ҷумҳурии Тоҷикистон Ҷамшед Ҷуразода дар баромади худ таъкид намуд, ки мактаббачагон тавассути иштирок дар Сессияҳои АХИ ҶТ на танҳо сатҳи донишҳои ихтисосиро боло мебаранд, балки ба раванди таълим дар муассисаҳои таҳсилоти умумӣ таъсир гузошта, ҷиҳати боз ҳам васеъ гардидани омӯзиши мавзӯъҳо мусоидат мекунанд, чунки на ҳар мактаббача узви АХИ ҶТ мегардад.
      Дар Сессия хонандагони фаъоли синфҳои 5-11-и муассисаҳои таҳсилоти миёнаи умумӣ, литсей ва гимназияҳо аз вилоятҳои Хатлон, Суғд, ВМКБ ва шаҳрҳои Душанбе, ҳамчунин аз ноҳияҳои тобеи ҷумҳурӣ (Рўдакї, Ваҳдат, Ҳисор, Файзобод, Варзоб, Рашт) ва ғ. иштирок намуда, донишу малакаи худро санҷиданд.
       Хурсандибахш аст, ки теъдоди иштироки мактаббачагон дар 43-юмин сессияҳои баҳории мазкур аз 700 нафар хонанда зиёд буд. Аъзои ҳакамон (56 нафар), асосан аз Институтҳои илмию таҳқиқотии Академияи миллии илмҳои Тољикистон (48 нафар), Донишгоҳи миллии Тољикистон (3 нафар), Донишгоҳи давлатии омўзгории Тољикистон ба номи С. Айнї (3 нафар), Донишгоҳи давлатии тиббӣ ба номи Абуали ибни Сино (2 нафар), вобаста ба ихтисосҳо ва бахшҳои АХИ даъват шуда буданд.
       Дар Сессияи мазкур чун анъана иштирокчиён натиљаҳои ба даст овардаи худро баррасӣ намуда, аз тарафи ҳакамон баҳогузорӣ карда шуданд ва беҳтаринҳо ба узви пайвастаи АХИ, узви вобастаи АХИ ва бо дипломҳои дараљаи I, II, III, Ифтихорномаҳо ва тӯҳфаҳои хотиравї сарфароз гардонида шуданд. Қайд кардан зарур аст, ки тамоми хароҷотҳо, аз ҷумла тӯҳфаҳои хотиравӣ, шаҳодатномаҳо, дипломҳо, ифтихорномаҳо, банерҳо, овезаҳои гуногун ва хӯроки нисфирӯзии аъзоёни ҳакамон пурра аз тарафи Раёсати Академияи миллии илмҳои Тоҷикистон харидорӣ ва дастрас карда шуданд.
       Дар санаи 25.09.2022 дар маҷлисгоҳи Академияи миллии илмҳои Тоҷикистон "Рӯзи дарҳои кушода" -и Академияи хурди илмҳои Ҷумҳурии Тоҷикистон баргузор шуд, ки дар он хонандагони мактабҳои таҳсилоти умумии шаҳри Душанбе ва гирду атрофи он иштирок намуданд. Рӯзи дарҳои кушодаро президенти АМИТ, академик Фарҳод Раҳимӣ ифтитоҳ намуда, ҳозиринро ба даргоҳи илмҳои тахассусӣ хайра мақдам гуфт ва зимни суханронӣ ҷиҳати муаррифии АМИТ далелҳо овард. Номбурда қайд намуд, ки феълан дар АМИТ 26 Институт, марказ ва пойгоҳҳои илмии таҳқиқӣ ҳастанд ва самти фаъолияти ҳар кадомашон ихтисосӣ мебошад. Хуллас, дар ҳар соҳаи ҷудогонаи илмҳои табиатшиносӣ дар АМИТ пойгоҳҳои илмиву таҳқиқӣ мавҷуданд.
      Сипас, президенти Академияи хурди илмҳои Ҷумҳурии Тоҷикистон, академик Ҳикмат Ҳисориев сухан намуда, ба иштирокдорони “Рӯзи дарҳои кушода” комёбиҳои назаррас таманно намуд.
      Ноиби президенти АМИТ, доктори илмҳои биология, узви вобастаи АМИТ Абдусаттор Саидов зимни муроҷиат ба хонандагон нақши биологияи муосирро дар рушди ҷомеаи постмодерн мутазаккир шуд. Ба қавли мавсуф, аксар расонаҳо бо дахолат ба пандемияи COVID-19 дар чунин ақидаанд, ки онро афроди вирусолог таҳия ва интишор сохтаанд. Гузашта аз ин, афзудани аҳолии кураи Замин бахшҳои асоситарини биологиро чун биотехнология ба вуҷуд овард ва бо дарназардошти вазъ рушди шохаҳои гуногуни илми биология дар замони муосир мушоҳида мешавад. Номбурда гуфт, ки 4 пажӯҳишгоҳи сирф биологӣ дар АМИТ фаъолият мекунанд, ки беш аз 400 нафар олимонро дар бар мегирад.
Баъдан, сардори Раёсати таҳсилоти иловагии Вазорати маориф ва илм Умед Сафарзода сухан карда, аз иштироккунандагон даъват ба амал овард, ки онҳо дар озмунҳои ҷумҳуриявӣ ширкат намоянд. Бояд мутазаккир шуд, ки “Рӯзи дарҳои кушода” соле як маротиб баргузор мегардад ва хонандагони макотиб имкони хеле хуб доранд, ки дар ин рӯзҳо донишҳои тахассусии худро такмил диҳанд.
Президенти Академияи хурди
илмҳои Ҷумхурии Тоҷикистон,
д.и.б., академики АМИТ Ҳ.Ҳ. Ҳисориев

 

 

 

 

ЭМОМАЛӢ РАҲМОН - НАВИСАНДАИ САРНАВИШТИ ТОҶИКИСТОН

 

     Возможно, это изображение 1 человек и стоит
      Дар як лаҳзаи ҳассоси таърихие, ки чӣ интизор будани ояндаи Тоҷикистонро касе пешгӯӣ карда наметавонист ва ё касе аз гирифтани зимоми давлатдорӣ метарсид, ба корзори сиёсии давлатдории навини тоҷикон омадани Эмомалӣ Раҳмон фоли неке гардиду ДАВЛАТ, ВАТАН, МИЛЛАТ аз вартаи нобудӣ наҷот ёфт. Дар шароити ногувори таърихӣ, ки тақдири миллати тоҷик баъди фурӯпошии Иттиҳоди Шӯравӣ зери аломати савол қарор гирифта буд. Зеро дар пеши давлатҳои навтаъсиси пасошӯравӣ як қатор вазифаҳои душвор меистод. Аз ҷумла, муайян намудани роҳи давлатдорӣ, таъмини амният ва якпорчагӣ, мутобиқ намудани давлат ба фазои сиёсиву геополитикӣ олам ва ғайра. Барои Тоҷикистон низ ҳалли ин масъалаҳо дар мадди аввал қарор дошт. Ҳамзамон Тоҷикистони соҳибихтиёр ва навтаъсисро душманони дохилӣ ва хориҷӣ ба гирдоби бозиҳои сиёсӣ ва ноамниву бесомонӣ кашиданд. Зеро ҷанги таҳмилии шаҳрвандие, ки нисбати миллати тоҷик бори дигар ҳамон хиёнати таърихиро душманони мардуми тоҷик раво диданд ва мардуми осоиштаро ба майдонҳо кашида, балвои азимеро ба сари миллати мо оварданд. Ҳамзамон давлат бесоҳиб монда, асосҳои сохтори конститутсионӣ хароб гардиданд ва мақомоти давлатӣ салоҳиятҳои касбии худро иҷро карда наметавонистанд. Аҳли зиёи кишвар дар ин вазъияти нохуш ба сарнавишти Тоҷикистон бетараф набуданд ва барои ба эътидол овардани вазъияти сиёсии кишвар чораҳои зиёде меандешиданд. Ва ин буд, ки барои боз гардонидани фазои сулҳу субот ва амнияту якпорчагии кишвар роҳ ба сӯи минтақаи нисбатан оромтар ба шаҳри Хуҷанд роҳ гирифтанд. Дар шаҳри Хуҷанд Иҷлосияи таърихии 16-уми Шӯрои Олии Ҷумҳурии Тоҷикистон баргузор гардид, ки дар он 196 вакили мардумӣ ширкат варзиданд ва ин Иҷлосия аз 16 – уми ноябр то 2 – уми декабр идома ёфта, пеш аз ҳама роҳи давлатдории минбаъдаи Тоҷикистонро муайян кард, ки демократӣ эълон гардид; инчунин Эмомалӣ Раҳмон сарнавишти халқи тоҷикро ба даст гирифт.
      Дар симои Эмомалӣ Раҳмон ҳама сулҳу субот, оромӣ ва тинҷиву амониро медиданд. Ин абармарди таърихиро Худованд дар лаҳзаи бисёр муташанниҷ барои миллати тоҷик дод ва тақдиру омолашро бо тақдири Тоҷикистон ва ҷонашро бо ҷони миллат пайваст намуд. Чунин шахсиятҳо дар таърих назир надоранд ва дар таърихи тоҷикон баъди Исмоили Сомонӣ Эмомалӣ Раҳмон девори номус, якпорчагӣ, амният ва сулҳу суботи кишвар гардид. Ин корномаи бузург, ки сулҳу субот ва шодиву сурур ба хонадони тоҷик баргашт, Эмомалӣ Раҳмон ҷонро сипар ва дуои модаронро роҳкушо намуда, дар давраи фаъолияти хеш барои миллати тоҷик анҷом доданд, бояд ҳар шахси ватандору худшинос аз ин марди бузург сипосгузор ва дар партави ҳидоятҳои ин шахси таърихӣ манфиатҳо, арзишҳои миллии Тоҷикистон ва якпорчагиву ягонагии онро чун гавҳараки чашм ҳифз намоянд.
      Нақши Эмомалӣ Раҳмон дар таърихи давлатдории навини тоҷикон беандоза буда, чи тавре ки дар боло қайд кардем, дар солҳои ҷанги шаҳрвандӣ – лаҳзаи бисёр ҳассос ва сарнавиштсози таърихӣ барои миллати тоҷик, ин миллати соҳибфарҳангу тамаддунсозро сарварӣ намудан ва масъулияти таърихии тақдири имрӯзу ояндаи ӯро ба дӯш гирифтан худ қаҳрамонии беназире маҳсуб меёбад, ки онро фарзонафарзанди миллати тоҷик – Эмомалӣ Раҳмон ба уҳда гирифтаву ин рисолати бузургро дар назди насли имрӯзу фардои ҷомеа анҷом додааст. Пеш аз ҳама барои миллати тоҷик сулҳро бозпас гардониданд.
     Дар партави сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон - Тоҷикистони азиз имрӯз ба яке аз давлатҳои пешрафта ва мутараққӣ табдил гардид. Дар фосилаи кӯтоҳи вақт Тоҷикистон ба дастовардҳои назаррас ноил гардид ва бо ҷаҳду талоши созандаву бунёдкоронаи халқи азизамон ба кишвари ободу осуда мубаддал гашт. Новобаста ба оне, ки ҷанги таҳмилии шаҳрвандӣ аз худ хисороти бузурги ҷониву молиро гузошта бошад ҳам роҳи минбаъдаи рушду инкишофи Тоҷикистон бо дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон давра ба давра густариш ёфт.
     Шурӯъ аз соли 2016 ҳама сола санаи 16-уми ноябр дар саросари Тоҷикистон ҳамчун “Рӯзи Президенти Ҷумҳурии Тоҷикистон” барои гиромидошт ва арҷгузорӣ ба хидматҳои шоёни Асосгузори сулҳу ваҳдати миллӣ, Пешвои миллат, муҳтарам Эмомалӣ Раҳмон ҷашн гирифта мешавад, ки ин бо як санаи дигари тақдирсози миллӣ, яъне рӯзи Иҷлосияи тақдирсоз мувофиқ меояд.
И.И.Шарифӣ
ходими хурди илмии
шуъбаи Осиёи Марказӣ

 

 

 

 

МДИ “Маркази Омӯзиши Пиряхҳои Амит” дар ҳамкорӣ бо Магатэ тарзҳои нави таҳқиқот ва омӯзиши пиряхҳоро роҳандозӣ менамояд

      Санаи 28-уми октябри соли 2022 дар Муассисаи илмии “Маркази омӯзиши пиряхҳои АМИТ” мулоқот бо сардори бахши шуъбаи Аврупо оид ба ҳамкориҳои техникии МАГАТЭ Сандра Мария Стейскал бо мақсади ба роҳ мондани ҳамкорӣ дар бахши омӯзиши изотопии пиряхҳо ва қабати барф баргузор гардид.

Возможно, это изображение 5 человек, люди сидят, люди стоят и в помещении
     Зимни мулоқот намояндаи МАГАТЭ Сандра Мария Стейскал ва инчунин намояндаи Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон Олимҷон Азизов ва кормандони шуъбаи озмоишгоҳи сифати об, изотопҳо ва санитарияи Муассисаи давлатии илмии “Маркази омӯзиши пиряхҳои АМИТ” иштирок намуданд.
     Дар оғози ҷамъомад директори муассисаи мазкур, профессор Абдулҳамид Қаюмов оиди дастовардҳои марказ дар самти пеш бурдани таҳқиқоти илмӣ – бунёдӣ сухан ронда, ҳамзамон қайд намуд, ки марказ аз оғози фаъолияти худ то имрӯз беш аз 50 таҳқиқот дар масоили омӯзиши пиряхҳо, мушоҳида ва назорати ҳолати коҳишёбии онҳо ва инчунин муайян намудани таркиби изотопӣ ва гидрологии оби пиряху кӯлҳо ва ҳавзҳои пиряхӣ гузаронда, натиҷаҳои назаррас ба даст овардааст.
    Лозим ба тазаккур аст, ки изотопҳои пайдоишашон табиӣ ҳамчун нишондиҳанда барои муайян намудани ҳолати воқеии пиряхҳо, рақобатпазирии онҳо вобаста ба раванди тағйирёбии иқлим, мавқеи хоси пиряхҳо дар захоири оби дарёҳо ва кӯлҳои наздипиряхӣ, инчунин нақши пиряхҳо дар афзоиши обҳои рӯйизаминию зеризаминӣ ва ҳамзамон барои муайян намудани синну соли дарёҳо истифода бурда мешавад.
     Бояд қайд намуд, ки аллакай бо дастгирии МАГАТЭ дар доираи ҳамкориҳои судманд таҷҳизоти лазерии “Пикаро” дар озмоишгоҳи сифати об, изотопҳо ва санитарияи марказ насб гардид. Дастгоҳи мазкур имконият медиҳад, ки омӯзиши изотопии пиряхҳо ва қабати барф минбаъд бо тарзҳои инноватсионӣ ба роҳ монда шавад.
     Бо мақсади боз ҳам беҳтар ба роҳ мондани чунин таҳқиқот ва ташкили озмоишгоҳ президенти Академияи миллии илмҳои Тоҷикистон, академик Фарҳод Раҳимӣ ду ҳуҷраи кориро барои фаъолияти минбаъдаи озмоишгоҳи сифати об, изотопҳо ва санитарияи Муассисаи давлатии илмии “Маркази омӯзиши пиряхҳои АМИТ” ҷудо намуд, ки ҳадаф аз ин дастгирӣ пеш аз ҳама ҷонибдории сиёсати пешгирифтаи Ҳукумати Ҷумҳурии Тоҷикистон оид ба масъалаи омӯзиш ва ҳифзи пиряхҳо маҳсуб меёбад.
      Бояд қайд кард, ки ба шарофати иқдомҳои созандаи Президенти Ҷумҳурии Тоҷикистон, Ҷаноби Олӣ муҳтарам Эмомалӣ Раҳмон оид ба масъалаи истифодаи самараноки захираҳои обӣ ва омӯзиши пиряхҳо имкон фароҳам овард, ки маркази мазкур айни замон бо ташкилоту муассисаҳои байналмилалӣ ва шарикони рушд робитаҳои ҳамкориҳои судмандро ба роҳ монда, дар самти рушд ва тақвияти илми пиряхшиносӣ дар ҷумҳурӣ фаъолияти назаррасро густариш диҳад.Бо мақсади ташкил намудани озмоишгоҳи таҳқиқи пиряхҳо, қабати барф ва насб намудани дастгоҳи таҳлилии “Пикаро” дар муассиса кормандони шуъбаи озмоишгоҳи сифати об, изотопҳо ва санитарияи марказ дар муддати як моҳ тибқи барномаи Fellowship, аз санаи 22.08.2022 то санаи 20.09.2022, бо дастгирии молиявии МАГАТЭ дар Донишгоҳи Инсбрук (Институти геология) дар Австрия, таҳти роҳбарии доктор Юрий Дублянский ҷиҳати азхуд кардани тарзҳои таҳқиқоти изотопии пиряхҳо таҷриба омӯхтанд.
Дар рафти таҷрибаомӯзӣ кормандони марказ оиди намунаи амалии ях ва об ҷиҳати муайян кардани таркиби минбаъдаи изотопии онҳо, машғулият дар озмоишгоҳи (лабораторияи) гузаронидани изотопи анализатории “Пикаро” ва инчунин оид ба ҷузъҳои насбкунии таҷҳизоти таҳлилии “PICARRO” маълумоти пурра ба даст оварданд, ки натиҷаи таҷрибаомӯзӣ минбаъд имкон фароҳам меорад, ки таҳқиқоти изотопии пиряхҳо ва қабати барф бо дастгоҳи номбурда ба роҳ монда шавад.
      Бояд гуфт, ки чунин озмоишгоҳ дар сатҳи ҷаҳонӣ ниҳоят кам буда, ба роҳ мондани он дар марказ як навъ навоварӣ ва ҳамзамон боиси пешрафти илми глятсиология ва инчунин тарзҳои нави ба роҳ мондани таҳқиқоти пиряхҳо ба шумор меравад.

 

 

 

Дар Академияи миллии илмҳои Тоҷикистон маросими ифтитоҳи даври ҷумҳуриявии озмуни «Илм – фурӯғи маърифат» баргузор шуд.

 

     Возможно, это изображение текст
     Пас аз маросими ифтитоҳ иштирокчиён мустақиман ба маконҳои баргузории озмун – толорҳо ва озмоишгоҳҳои пажӯҳишгоҳҳои илмии Академияи миллии илмҳои Тоҷикистон ва Донишгоҳи миллии Тоҷикистон аз рӯи номинатсияҳо фиристода шуданд.
      Дар охири рӯзи якуми озмун иштирокчиён бо олимони Академияи миллии илмҳои кишвар вохӯрда, бо онхо суҳбат карданд.
Тибқи барномаи озмун, 22 ноябр вохӯрии иштирокчиён бо адибон дар назар дошта шуда, 23 ноябр аз Осорхонаи таърихию бостоншиносӣ дидан мекунанд.
Озмун аз рӯи 7 номинатсия: «Математика», «Физика ва астрономия», «Химия», «Биология», «География», «Технологияи иттилоотӣ» ва «Ихтироъкорӣ ва навоварӣ» баргузор гардид.
      Дар даври ҷумҳуриявӣ иштироки 450 нафар ғолибони даври 3-юм дар назар аст. Барои озмун 2 миллиону 345 ҳазор сомонӣ ҷудо карда шудааст.
Маросими ҷоизасупории ғолибони даври ҷумҳуриявии озмуни «Илм- фурӯғи маърифат» 25 ноябр дар Театри давлатии академии опера ва балети ба номи С. Айнӣ баргузор мегардад.
     Ёдовар мешавем, ки Озмуни ҷумҳуриявии «Илм – фурӯғи маърифат» таҳти сарпарастии Президенти Ҷумҳурии Тоҷикистон бо мақсади амалӣ намудани «Бистсолаи омӯзиш ва рушди илмҳои табиатшиносӣ, дақиқ ва риёзӣ дар соҳаи маориф» доир мешавад.
 
 
 
 
 

 

 

 

 

 

ИЛМ - ФУРӮҒИ МАЪРИФАТ

        Имрӯз дар санаи 21.11.2022 дар маҷлисгоҳи АМИТ бахши чаҳоруми озмуни ҷумҳуриявии "Илм - фурӯғи маърифат" баргузор шуд, ки зимни барпошавии он иштироккунандагони озмун бо уламои АМИТ вохӯрӣ доир намуданд.
       Натиҷаи озмуни мазкур дар санаи 25.11.2022 маълум мегардад.